حسن خليل عن كريم سعيد و"صحوة التدقيق الجنائي": "بتسلم عليك غادة عون"!

اولا بتسلم عليك القاضية غادة عون.. بتعرف هالاسم.. اقرأ وبتتذكرها..
فجاة وبعد سنة ونص من تعيينك فقت يا كريم.. وتكارمت علينا بتكليف الفاريز Alvarez لإجراء تدقيق جنائي..
بشرفك يعني عم تتذاكى علينا.. سنة ونص وهلق فقت؟ بشرفك اخبرنا مين اوحى لك، ولينتقم من مين؟ او ليبتز مين؟ او ليضغط على مين؟
يعني اكيد ما حتقتنع حنصدق انو نزل عليك وحي وصحوة ضمير..
طيب.. حنقترح عليك.. ما ضرورة تدفع مصاري.. انا حكيت مع القاضية غادة عون واتفقنا نتبرع ببلاش.. عندنا ملف اوبتيموم بالكامل.. نفتح نحن واياك باندورا اوبتيموم وبتلاقي كل الاجوبة.. اسال نائبك وسيم منصوري اللي عزلته. اساله عن اوبتيموم.. اساله عن مين امره ما يتجاوب ويعمل عنترة بن شيبوب..
شو رأيك؟ وما بتدفع ولا دولار.. ونحن بنكفل نعطيك كل الاسماء والتفاصيل..
لكن هل بيتعاون معك وزير اللاعدلية، واللامدعي عام التمييزي واللا مدعي العام المالي..؟
دخلك بعده اللامدعي العام المالي السابق عضو في لجنة اللاتحقيق الخاصة العامة؟ سمعنا تقاعد.. ضيعانه.. انتظرته السجون ليملأها ويعبيها.. بس ما لقى مرتكب واحد.. وكذلك المدعي العام التمييزي السابق اللي صادر ملف اوبتيموم من غادة عون ومنع كل الضابطات العدلية تنفذ طلباتها.. وانطفى نور الملف.. شو اخباره..
بشرفك كريم سعيد.. ما تتذاكى علينا بشرفك.. الحبل صار قصير كثير..
يا عمي إلحق "الكذاب" على بيته.. كلفنا وخذ نتيجة.. واذا اخفقنا.. قاضينا..
بس لا حتستدعينا ولا حتقاضينا.. لانو مش مطلوب منك الحقيقة.. مطلوب بعض الرؤوس..
برضو اتكل.. احسن من بلاش..